ჯანსაღი ცხოვრების პორტალი
ძლიერი, სტაბილური მუცლის კუნთები თქვენი მთელი სხეულის საფუძველია.
ამ ნაწილის სიძლიერე ხელს უწყობს დამოუკიდებლობას, სიცოცხლის ხანგრძლივობას და აუმჯობესებს ყოველდღიური დავალებების და საოჯახო საქმეების მარტივად შესრულების უნარს. ერთ-ერთი საუკეთესო ვარჯიში, რომლის გაკეთებაც შეგიძლიათ მუცლის კუნთების გასაძლიერებლად, არის „ხიდის“ ვარჯიში. ეს მოძრაობა მიზნად ისახავს მენჯის კუნთების, ბარძაყის უკანა კუნთების, დუნდულებისა და მუცლის ღრმა კუნთების გაძლიერებას – ყველაფერი ეს კისერზე ზედმეტი დატვირთვის გარეშე. ის ასევე ხელს უწყობს ტანდეგობის გაუმჯობესებას და სტაბილურობის გაძლიერებას. გარდა ამისა, ეს ვარჯიში გთავაზობთ ვარიაციებს, რათა შეძლოთ კონკრეტულ კუნთებზე ფოკუსირება.
პირად მწვრთნელი კარლი ჰარვი ამბობს, რომ თუ 50 წლის შემდეგაც შეგიძლიათ “ხიდის” შენარჩუნება, თქვენი მუცლის კუნთები „ელიტარულად“ ითვლება. ჰარვიმ თავის მისიად აქცია, დაეხმაროს ადამიანებს ცხოვრების წესის შეცვლაში ბალანსის და არა შეზღუდვების გზით.
მყარი მუცლისა და ძლიერი დუნდულების ქონა აუმჯობესებს სხეულის წონასწორობას, მობილობას და ზურგის ჯანმრთელობას, რადგან უზრუნველყოფს სხეულის კარგ საყრდენს.
„ეს საშუალებას იძლევა უკეთესად და უმტკივნეულოდ გადაადგილდეთ, რადგან სუსტი დუნდულები და მუცლის კუნთები ზეწოლას ახდენენ წელის ქვედა ნაწილზე, რაც იწვევს დისკომფორტს და მოძრაობის შეზღუდვას. მენჯის უკეთესი კონტროლი მნიშვნელოვნად აუმჯობესებს სტაბილურობას და ბალანსს, რაც ნიშნავს დაცემის ან დაზიანების ნაკლებ რისკს“, – დასძენს ჰარვი.
„ამ პოზიციის კარგი ფორმითა და ტექნიკით შენარჩუნება (ხერხემლის ნეიტრალური მდგომარეობისა და თეძოების სწორად შენარჩუნება, დუნდულების და არა ზურგის კუნთების დაჭიმვა) მენჯის კონტროლს ავითარებს და კორპუსის სტაბილიზაციას უზრუნველყოფს“, – განმარტავს ჰარვი – ამ ვარჯიშის შესრულება 50 წლის შემდეგ მნიშვნელოვანია სხეულის უსაფრთხოებისა და სტაბილურობის შესანარჩუნებლად ასაკის მატებასთან ერთად, იმ კუნთების გამოყენებით, რომლებიც ხელს უწყობენ ყოველდღიურ ცხოვრებაში მოძრაობას, წონასწორობას და სტაბილურობას.“
დუნდულების ხიდის დაჭერის დროს ძირითადად აქტიურდება დუნდულის კუნთები, ასევე ბარძაყის უკანა კუნთები, ხერხემლის გამშლელი კუნთები და პრესის კუნთები. ამ კუნთების სიძლიერე აუცილებელია ყოველდღიური მოძრაობებისთვის, როგორიცაა სკამიდან ადგომა, კიბეებზე ასვლა და სხეულის სტაბილურობის შენარჩუნება.
* * *
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – ” წყარო: www.goodlife.ge ”
