ჯანსაღი ცხოვრების პორტალი
ბევრი ფიქრობს, რომ სწრაფი სიარულისას ცხიმები უფრო ეფექტიანად იწვება და ადამიანიც უფრო სწრაფი ტემპით ხდება. თუმცა, როგორც გამოცემა Eatthis-ი წერს, სიარულის შენელება (4-5 კმ საათში) ცხიმის წვის პროცესის აჩქარებას უწყობს ხელს.
მეცნიერები ამ დასკვნას იმით ხსნიან, რომ როცა ადამიანი ნელა დადის, მისი სხეული „საწვავად“ იყენებს ცხიმის მარაგს იმის ნაცვლად, რომ ნახშირწყლები გამოიყენოს, რომელსაც ის მაღალინტენსიური დატვირთვისას მოიხმარს.
გარდა ამისა, ნელ სიარულს შეუძლია ვარჯიშის გახანგრძლივება, რაც დიდი რაოდენობით კალორიების წვას მაღალი დატვირთვის გარეშე უწყობს ხელს. ამიტომაც ნელი სიარული შესაძლოა იყოს ვარჯიშის იდეალური ვარიანტი დამწყებებისთვის და მათთვისაც, ვისაც სახსრების პრობლემა აქვს.
მკვლევარებმა დაასახელეს რამდენიმე მიზეზი, რომელთა გამოც ნელი სიარული შესაძლოა ცხიმის დაწვისთვის ეფექტიანი გზა იყოს.
კერძოდ, მათი თქმით, ნელი სიარულის დროს სხეული აერობულ ზონაში იმყოფება, სადაც ცხიმის წვის მაჩვენებელი ყველაზე მაღალია.
უფრო დაბალი ინტენსივობა უფრო ხანგრძლივ ვარჯიშს ნიშნავს. ეს კი დროთა განმავლობაში, ცხიმის სტაბილური წვის პირობებს ქმნის.
ნელი და ხანგრძლივი მოძრაობა სხეულს სისხლში შაქრის დონის კონტროლის შესაძლებლობას აძლევს, რაც ცხიმის დაკარგვის დამატებას უწყობს ხელს.
გარდა ამისა, ნელი სიარული ადამიანს არ ღლის და ცხიმის კარგვის პერიოდს ახანგრძლივებს.
თუკი თქვენ გადაწყვეტთ, გახდომისთვის ნაკლებად ინტენსიური ვარჯიშები გამოიყენოთ, უნდა დაიცვათ შემდეგი წესები:
დაიწყეთ გახურებით. გაიარ-გამოიარეთ მშვიდ ტემპში, 5 წუთის განმავლობაში.
შეეცადეთ, სიარულის სიჩქარედ 4-5 კმ/საათი აოღოთ და შეინარჩუნეთ ეს ტემპი 30-60 წუთის განმავლობაში.
შეეცადეთ, ვარჯიშები სასიამოვნო გახადოთ: უსმინეთ პოდკასტებს, აუდიოწიგნებსა და მუსიკას.
იყავით თანმიმდევრული: შეეცადეთ ეს ვარჯიში კვირაში 5-6 დღე აკეთოთ, კარგი იქნება, თუ მას სხვა ვარჯიშების დამატებად აქცევთ.
აირჩიეთ ჰიბრიდული მიდგომა: შეუთავსეთ ნელი სეირნობები უფრო ინტენსიურ ინტერვალურ სიარულს, რათა გაააქტიუროთ კალორიების დაწვა და გააუმჯობესოთ გულ-სისხლძარღვთა სისტემის ჯანმრთელობა.
ცხიმის დაწვის გარდა, ნელ სიარულს ჯანმრთელობისთვის სხვა უპირატესობებიც აქვს. პირველია სტრესის შემცირება, რადგან რიტმულ მოძრაობებს შეუძლია კორტიზოლის დონის შემცირება, რაც გონების სიმშვიდესა და წონის ჯანსაღ კონტროლს უწყობს ხელს.
ასევე მნიშვნელოვანი უპირატესობაა ის, რომ ნელი სიარული მუხლების და მენჯ-ბარძაყის ტრავმირებას არ იწვევს, რაც ვარჯიშის ამ ფორმას ყველა ასაკისთვის მისაღებს ხდის. სუფთა ჰაერზე სეირნობა აუმჯობესებს ხასიათს, კონცენტრაციას და საერთო ფსიქიკურ ჯანმრთელობას.
არ დაივიწყოთ ისიც, რომ რეგულარული ნელი სიარული სისხლში შაქრის დონეს და დიაბეტის რისკებს ამცირებს.
* * *
უნდა გაითვალისწინოთ, რომ ქრონიკული დაავადებების ან ჯანმრთელობის სხვა პრობლემების შემთხვევაში, უმჯობესია, კონსულტაციები ექიმთან გაიაროს, რათა ფიზიკური დატვირთვა თქვენი ჯანმრთელობის მდგომარეობის შესაბამისი იყოს.
***
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – ” წყარო: www.goodlife.ge ”
