ჯანსაღი ცხოვრების პორტალი
მათთვის, ვინც პილატესში კარგად გათვითცნობიერებული არაა, მოსრიალე პლატფორმა, თასმები, სახელურები, შტანგები, ბორბლები – ძალიან რთული ფიტნეს მოწყობილობაა, რაც კი ოდესმე შექმნილა. მათთვის კი, ვინც რეფორმერ Pilates-ში ერკვევა, ეს ყველაფერი ძალისა და კონტროლის განვითარების წარმოუდგენლად ეფექტური საშუალებაა. ამიტომაცაა ის ასე პოპულარული.
მაგრამ თუ სახლში მისი დამონტაჟების საშუალება ან ფინანსები არ გაქვთ, სტუდიაში ვიზიტში თანხის გადახდა მოგიწევთ.
თუმცა, როგორც fitandwell წერს, არსებობს მესამე, თითქმის უფასო ვარიანტი.
გამოცემას მოჰყავს პილატესის ინსტრუქტორის ბრიტნი ჯონსონის სიტყვები, რომ პილატესის ტრენაჟორების ვარჯიშების თანაზომიერი აქტივობების შესრულება სახლშიც შეგიძლიათ.
მან ეს მოკლე ვარჯიში სახლის პირობებში, მარტივი ალტერნატივის სახით შექმნა, ტრენაჟორი სავარჯიშო სლაიდერებითა და წინააღმდეგობის ზოლებით ჩაანაცვლა, რათა ტრენაჟორზე ვარჯიშის იმიტაცია გაეკეთებინა.
„გარე დაძაბულობის შემოღებით, თქვენ სცილდებით ხალიჩის ძირითად ვარჯიშებს და მოქმედებაში მოგყავთ ღრმა სტაბილიზაციური კუნთები, აუმჯობესებთ სახსრების დეკომპრესიას და ქმნით ფუნქციურ წინააღმდეგობას, რომელიც საჭიროა გამხდარი, ელასტიური სხეულის ჩამოსაყალიბებლად“, – ამბობს ჯონსონი.
თუ სლაიდერები არ გაქვთ, შეგიძლიათ გამოიყენოთ პირსახოცი მყარ იატაკზე ან ქაღალდის თეფში ხალიჩაზე.
თითოეული ქვემოთ მოცემული ვარჯიში 10-12-ჯერ უნდა გაიმეოროთ
უკანა ჩაჯდომები სრიალით
როგორ გავაკეთოთ: დადექით სწორად, მარცხენა ფეხი ხალიჩაზე და მარჯვენა ფეხი სლაიდერზე. ხელები ჭერისკენ გაიშვირეთ და ნელა გადაწიეთ მარჯვენა ფეხი უკან, მარცხენა მუხლის დაბლა დაწევით. მარცხენა ფეხის გასაშლელად დუნდულებისა და მუცლის კუნთები დაჭიმეთ და სლაიდერი საწყის პოზიციაზე დააბრუნეთ. ყველა გამეორება ერთ მხარეს შეასრულეთ, შემდეგ კი მხარეები შეიცვალეთ.
ჯონსონი ამბობს: „ეს „სკუტერის“ ვარჯიშის, ან ნახტომების სერიის იმიტაციას ახდენს რეფორმატორ-ტრენაჟორზე, ის ინტენსიურად ავითარებს ქვედა ტანის ძალას და ბალანსს, ხოლო ხელების თავს ზემოთ მოძრაობა აიძულებს თქვენს მუცლის კუნთებს, მოძრაობის დროს დასტაბილურდნენ.“
მოზიდვები რეზინით
დაჯექით ხალიჩაზე ისე, რომ ფეხები წინ გქონდეთ გაშლილი.
შემოიხვიეთ გრძელი წინააღმდეგობის ზოლი ტერფებზე და ბოლოები დაიჭირეთ გაშლილი ხელებით, იდაყვები მხრების სიმაღლეზე გქონდეთ.
ოდნავ გადაიხარეთ უკან, ზურგი გამართულად გეჭიროთ.
მოხარეთ იდაყვები, რომ ზოლის ბოლოები მხრებისკენ მიიტანოთ, ზურგი გამართულად გეჭიროთ.
ჯონსონი ამბობს: „ეს ვარჯიში მიზნად ისახავს ზურგის ზედა ნაწილის და უკანა დელტოიდური კუნთების გაძლიერებას, ასწორებს მაგიდის პოზას და ხსნის მკერდს უფრო მაღალი, გამხდარი სილუეტისთვის“.
რეზინით ტრიალი
დაჯექით ხალიჩაზე ისე, რომ ფეხები წინ გქონდეთ გაშლილი.
შემოახვიეთ გრძელი წინააღმდეგობის ზოლი ტერფებზე და ბოლოები ხელებში დაიჭირეთ, გაშლილი ხელებით.
ერთი იდაყვი უკან გადაწიეთ, ტორსი კი ამ მკლავისკენ მოატრიალეთ.
მზერით იდაყვს მიჰყევით, შემდეგ ცენტრში დაბრუნდით და მეორე მხარეს გაიმეორეთ.
ჯონსონი ამბობს: „ეს ვარჯიში მიზნად ისახავს ირიბი და ღრმა განივი მუცლის კუნთების გაძლიერებას წინააღმდეგობისა და ხერხემლის ბრუნვის შერწყმით“.
* * *
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – ” წყარო: www.goodlife.ge ”
