ჯანსაღი ცხოვრების პორტალი
დროდადრო საკუთარ თავს ვპირდებით, რომ ფიტნესს ყოველდღიურობად ვაქცევთ, მაგრამ ყველას არ შეუძლია გამონახოს დრო სპორტდარბაზში სიარულისთვის და ასევე არ აქვს დიდი თანხის გადახდის შესაძლებლობა. თუმცა აზიდვებით დაწყებული, ჩაჯდომებით დამთავრებული, სხეულის წონით ვარჯიში ის ფიზიკური აქტივობებია, რომელთა შესრულებაც ნებისმიერ ადგილას არის შესაძლებელი და თან სრულიად უფასოა.
იმისთვის, რომ ძლიერები იყოთ, არ გჭირდებათ სპორტდარბაზის წევრობა, ჰანტელები ან ძვირადღირებული აღჭურვილობა.
ჯერ კიდევ უხსოვარი დროიდან ჩვენ გვქონდა წვდომა ერთადერთ აღჭურვილობაზე, რომელიც აუცილებელია ძალისმიერი ვარჯიშისთვის – ჩვენს საკუთარ სხეულზე.
ძალისმიერ ვარჯიშს გარე ძალებისა და აღჭურვილობის გამოყენების გარეშე „სხეულის წონით ვარჯიში“ ეწოდება.
აზიდვებით და ჩაჯდომებით დაწყებული, “ფიცრებით” დამთავრებული, სხეულის წონით ვარჯიში ვარჯიშის ერთ-ერთ ყველაზე პოპულარულ გზად იქცა, რადგან მისი შესრულება ნებისმიერ ადგილას არის შესაძლებელი.
რას ნიშნავს სხეულის წონით ვარჯიში?
სხეულის წონით ვარჯიში უბრალოდ ნიშნავს, რომ თქვენ იყენებთ საკუთარი სხეულის წონას წინააღმდეგობის სახით, ნაცვლად გარე წონებისა, როგორიცაა შტანგები და ჰანტელები.
გავრცელებული ვარჯიშებია აზიდვები, ჩაჯდომები, წინ წამოწევები და ჩაჯდომები.
თუმცა, შეგიძლიათ გამოიყენოთ სტატიკური ფიქსაციები, რომლებიც თქვენს სხეულს მოძრაობის გარეშე ავარჯიშებს, მაგალითად, ფიცარი ან იოგას პოზები.
სხეულის წონით ვარჯიში შეიძლება გამოყენებულ იქნას ნებისმიერი კუნთების ჯგუფისთვის. როგორც წესი, ვარჯიშები შეგვიძლია დავყოთ მოძრაობის ტიპისა ან სხეულის არეალის მიხედვით:
ზედა ტანი: აზიდვები, ხელებზე დგომა;
ქვედა ტანი: ჩაჯდომები, წინ წამოწევები, ნაბიჯების გადადგმა, დუნდულოების ხიდები;
კორპუსი: ჩაჯდომები, “ფიცრები”, „მთამსვლელი;“
მთელი ტანი: ბურპი, დათვის ცოცვა, ხტომის ჩაჯდომები.
ბურპი ესაა ვარჯიშები, რომლებიც სასარგებლოა გულისთვის, კუნთების გასაძლიერებლად და ზოგადი ფიზიკური გამძლეობის გასაუმჯობესებლად.
მისი სხვადასხვა ფორმა არსებობს. ესაა დგომის მდგომარეობიდან დაჯდომა და ხელების იატაკზე დაყრდნობა, ფეხების სწრაფად უკან გადაწევა ფიცრის პოზიციაში, ახტომა ხელების აწევით და სხვა.
სხეულის წონით ვარჯიში ასევე შეიძლება შესრულდეს გარკვეული აღჭურვილობის დამატებით: შტანგების, რგოლების და ღია ცის ქვეშ სპორტდარბაზებით სარგებლობით.
* * *
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – ” წყარო: www.goodlife.ge ”
