ჯანსაღი ცხოვრების პორტალი
მუცლის ცხიმი – დაუპატიჟებელი სტუმარი, რომელიც ჩვენთან შუახნის ასაკში მოდის და არასდროს სურს წასვლა. ამ თემაზე გამოცემა eatthis.com-ი ფიტნეს პროფესიონალს ესაუბრა, რომელიც გვიზიარებს მუცლის ცხიმის შემცირების საუკეთესო გზებს დაწოლის გარეშე. „დგომის ვარჯიშები ხშირად ერთდროულად მეტ კუნთოვან ჯგუფს იყენებს, განსაკუთრებით ფეხების, დუნდულების და მუცლის კუნთებს, რაც საერთო ჯამში მეტი კალორიის დაწვაში გეხმარებათ. ისინი ასევე უფრო მეტად ახშირებენ გულისცემას, ვიდრე იატაკზე ვარჯიში, რაც ზრდის ცხიმის წვას. მხოლოდ ეს ვარჯიშები მუცლის ცხიმს ვერ შეამცირებს, მაგრამ კარგ კვებასთან და თანმიმდევრულობასთან ერთად, ისინი დაგეხმარებათ წელის ზომის შემცირებაში,“ – განმარტავს სტივენ შეჰანი, Garage Gym Reviews-ის სერტიფიცირებული პირადი მწვრთნელი.
დგომის პოზიცია მოითხოვს, რომ თქვენი მუცლის კუნთებმა უფრო მეტად იმუშაოს, რათა შეინარჩუნოთ ვერტიკალური და სტაბილური პოზიცია, განსაკუთრებით მაშინ, როდესაც აკეთებთ ხელის გაწვდენის, ტრიალის ან წონასწორობის რეგულირების ვარჯიშებს. „ეს დინამიური მოძრაობები უფრო აქტიურად, რეალურ რეჟიმში ავარჯიშებს თქვენი მუცლის გარშემო კუნთებს. ისინი ასევე რთავენ მუცლის ღრმა კუნთებს, რაც დროთა განმავლობაში ხელს უწყობს წელის გამკვრივებას და გაბრტყელებას“, – დასძენს სტივენი. ეს 5 მოძრაობაა:
ირიბი მოგრეხა
ეს ვარჯიში აძლიერებს კუნთებს, ავითარებს წონასწორობასა და სტაბილურობას. „ეს მარტივი გზაა, რომ ერთდროულად ავარჯიშოთ კუნთები და აკეთოთ მსუბუქი კარდიო ვარჯიშები “, – აღნიშნავს სტივენი. დადექით, ხელები თავის უკან დაიჭირეთ.ასწიეთ ერთი მუხლი და იდაყვი იმავე მხარეს მისკენ მოხარეთ.დაუბრუნდით საწყის პოზიციას.გაიმეორეთ მეორე მხარესაც, განაგრძეთ მონაცვლეობით.
მაღალი მუხლები
ეს კარდიო ვარჯიში აჩქარებს გულისცემას და ამუშავებს მუცლის კუნთებს, განსაკუთრებით მუცლის ქვედა ნაწილს. ის შესანიშნავი ვარჯიშია კალორიების დასაწვავად და მეტაბოლიზმის დასაჩქარებლად.სწორად დადექით, ფეხები თეძოებამდე გაშალეთ, ხელები გვერდებზე გაშალეთ.მარჯვენა მუხლი მკერდისკენ ასწიეთ, რაც შეიძლება მაღლა.მოძრაობები სწრაფი ტემპით აკეთეთ, თითქოს ადგილზე დარბიხართ.
ხის მჩეხავი
„ეს მოძრაობა ავარჯიშებს მუცლის ირიბ და განივ კუნთებს, მხრებსა და თეძოებსაც კი. ის წარმოადგენს ბრუნვით მოძრაობებს, რომლებიც რეალურ ძალას ავითარებს და წელის დაჭიმვაში დაგეხმარებათ,“ – განმარტავს სტივენი. დადექით ვერტიკალურად, ფეხები მხრების მანძილზე გაშალეთ, ერთ მხარზე ზემოთ ჰანტელი ან სამედიცინო ბურთი დაიჭირეთ. ჩაისუნთქეთ, წონა დიაგონალურად მოპირდაპირე ფეხისკენ გადაიტანეთ და მუხლები მოხარეთ.გაიმეორეთ მეორე მხარესაც.
მუხლების გვერდული მოძრაობა
ეს ვარჯიში კარდიოსა და მუცლის კუნთების დატვირთვას გთავაზობთ. „ტორსიდან შემობრუნება წელის კუნთებს ააქტიურებს, ხოლო სწრაფი ტემპი გულისცემას ცხიმის წვისთვის მაღალ დონეზე ინარჩუნებს“, – ამბობს სტივენი. სწორად დადექით, ფეხები თეძოებამდე გაშალეთ და ხელები ზემოთ აწიეთ.ნელი შემობრუნებით მუხლი საპირისპირო იდაყვისკენ ასწიეთ.მოძრაობები სწრაფი მონაცვლეობით შეასრულეთ.
უკუსვლა ბრუნვით
„ეს კომბინირებული მოძრაობა წელის დაჭიმვის პარალელურად ძალასა და კოორდინაციას ავითარებს,“ – აღნიშნავს სტივენი.სწორად დადექით.
ნელა გადადგით ნაბიჯი უკან. ტორსი წინა ფეხისკენ შეატრიალეთ.დაუბრუნდით ფეხზე მდგომ მდგომარეობას.გაიმეორეთ მეორე მხარესაც.
***
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – ” წყარო: www.goodlife.ge ”
