ჯანსაღი ცხოვრების პორტალი
გთავაზობთ რეკომენდაციებს იმ შემთხვევისთვის, თუ თქვენ ძალის ვარჯიშებს აკეთებთ, თუმცა გარკვეული მიზეზების გამო დროის ხანგრძლივ მონაკვეთში მის შესრულებას ვერ ახერხებთ. გამოცემა fitandwell ამ რეკომენდაციებს გვიზიარებს პილატესის ვარჯიშებს მწვრთნელისგან ჩარლი ფოლკნერისგან, რომელიც სამი თვის განმავლობაში სპორტდარბაზში ვერ დადიოდა, ამიტომ შეიმუშავა პილატესის ვარჯიშების 30-წუთიანი კომპლექსი, რომელიც მას ტრავმებისგან იცავს.
„ნახევარი ათწლეულია, რაც წონებით ვვარჯიშობ და არა მხოლოდ იმიტომ, რომ კუნთების „აშენება“ მინდა. ძალისმიერი ვარჯიში ჩემს სხეულს ტკივილების თავიდან აცილებაში ეხმარება, განსაკუთრებით – ახლახანს მიღებული ტრამვის შემდეგ,“ – ამბობს მწვრთნელი.
მისი თქმით, დეკემბერში ახალ ზელანდიასა და შრი-ლანკაში სამთვიან მოგზაურობაში წავიდა. აღფრთოვანებული იყო, მაგრამ ნერვიულობდა, რომ ჩვეული, წონებით ვარჯიშისთვის თავი უნდა დაენებებინა, რადგან სპორტდარბაზში წასვლის საშუალება იშვიათად ექნებოდა.
წონებით აწევის ნაცვლად, მან იშოვა პილატესის სავარჯიშო ხალიჩა, რომელზეც კვირაში ერთხელ მაინც ვარჯიშობდა. თუმცა ასეთი პერიოდულიობით ვარჯიშის შედეგადაც კი გაოცებული დარჩა, რამდენად შეძლო ძალის შენარჩუნება მხოლოდ ამ მოძრაობებით. ამ ვარჯიშმა ის ტრავმებისგანაც დაიცვა.
ამ ვარჯიშისთვის მხოლოდ სავარჯიშო ხალიჩა დაგჭირდებათ. ფოლკნერი ასევე გვირჩევს პილატესის ბურთის გამოყენებას, თუ გაქვთ, თუმცა ამბობს, რომ რუტინა მის გარეშეც ეფექტურია. რამდენიმე ვარჯიში ხელებითა და მუხლებით სრულდება, ამიტომ ყოველთვის ჰქონდა საბანი. ფოლკნერი გვთავაზობს მოდიფიკაციებს ისეთი ილეთებისთვის, როგორიცაა გვერდითი ფიცარი და აზიდვები, რაც მას სხვადასხვა დონისთვის შესაფერისს ხდის.
ეს რუტინა განსაკუთრებით სასარგებლოა მუცლის ძირითადი კუნთების გასაძლიერებლად, რაზეც სურდა ყურადღების გამახვილება მოგზაურობის დროს. ძლიერი მუცლის კუნთების განვითარება აუცილებელია ტანდეგობის გასაუმჯობესებლად, ზურგის ტკივილის შესამსუბუქებლად და საერთო ძალის შესანარჩუნებლად.
ამ რუტინაში ბევრი მოძრაობა – როგორიცაა გვერდითა ფიცარი, ფეხის თითებზე აზიდვები და აზიდვები – რთული ვარჯიშებია, რაც ნიშნავს, რომ ისინი ერთდროულად ამუშავებენ კუნთების რამდენიმე ჯგუფსა და სახსარს, რაც ვარჯიშს უფრო ეფექტიანს ხდის.
ეს მოძრაობები ასევე ავარჯიშებს დუნდულებს, რომლებიც სხეულის უდიდესი კუნთებია.
ჩარლი ამბობს, რომ სამი თვის განმავლობაში ამ ვარჯიშის რეგულარულად შესრულების შემდეგ, ბევრი გაუმჯობესება შენიშნა და ახლა შეუძლია გვერდზე ფიცრის პოზის შენარჩუნება უფრო დიდხანს, აზიდვები კი უფრო მსუბუქი გახდა. მუცლის კუნთების გასაძლიერებლად განკუთვნილი ვარჯიშებიც უფრო გაუმარტივდა.
ამბობს, რომ წარსულშიც ჰქონია პერიოდები, როდესაც სიმძიმეებს არ სწევდა და ეს ხშირად მუხლის ტრავმას იწვევდა. სასიამოვნოდ გაკვირვებული დარჩა, რომ სამი თვის განმავლობაში მოგზაურობისას მხოლოდ რამდენიმე უმნიშვნელო პრობლემა შეექმნა. „მჯერა, რომ ხალიჩის პილატესმა – და კერძოდ ამ რუტინამ – ამაში დიდი როლი ითამაშა,“ – ამბობს ჩარლი.
საკუთარი გამოცდილებიდან, ის ამ რუტინის შესრულებას მათაც ურჩევს, ვისაც სახლში ყოფნის ან მოგზაურობის დროს სხეულის ეფექტური ვარჯიშის გაკეთება სურს.
ვარჯიშები შეგიძლიათ იხილოთ ბმულზე.
* * *
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – ” წყარო: www.goodlife.ge ”
