ჯანსაღი ცხოვრების პორტალი
ახალი გატაცებები და წარმატება ნებისმიერ ასაკში შეიძლება განვითარდეს. ეს მათ შორის ფიტნესსაც ეხება.
„40 წლის ასაკში მიხვდებით, რომ საქმე იმაში არ არის, რომ ვარჯიში გძულთ; საქმე იმაშია, რომ ვერ იპოვეთ შესაფერისი ვარჯიში“, – ამბობს ტელეწამყვანი და პოდკასტერი ელიზაბეტ დეი და თავისი მაგალითი მოჰყავს. მისი თქმით, მას ვარჯიში არ სძულდა – უბრალოდ ვერ იპოვა რუტინა, რომელიც მის ცხოვრებას შეესაბამებოდა.
„სკოლაში მეგონა, რომ ვარჯიში მძულდა. აღმოჩნდა, რომ უბრალოდ არ მომწონდა გუნდური სპორტი. 30 წლის ასაკში აღმოვაჩინე, რომ მომწონდა სპინინგის გაკვეთილები და იოგა. 40 წლის ასაკში შემიყვარდა ძალისმიერი ვარჯიში,“ – ამბობს 47 წლის ტელეწამყვანი.
ელიზაბეთი ერთდროულად სხვადასხვა სისტემით ვარჯიშობს
ის მხოლოდ ძალაზე, კარდიოზე ან მობილურობაზე არ არის ორიენტირებული. ამის ნაცვლად, მან შექმნა რუტინა, რომელიც სამივეზე მუშაობს. ეს ჰოლისტური მიდგომა აუცილებელია იმისთვის, რომ მთელი სიცოცხლის განმავლობაში ფორმაში ვიყოთ.
ასაკის მატებასთან ერთად, პრე ან მენოპაუზის დროს ესტროგენის შემცირებამ შეიძლება უარყოფითად იმოქმედოს ქალის ძალასა და გულის ჯანმრთელობაზე, ამიტომ სხვადასხვა ვარჯიშის კომბინაცია ხელს უწყობს ამ ეფექტების წინააღმდეგ ბრძოლას.
კვლევებით დადასტურებულია, რომ წინააღმდეგობის ვარჯიში ზრდის კუნთების ძალას, ბალანსს, მოქნილობას და სხეულის მასას 40-60 წლის ქალებში.
სპეციალისტების თქმით, ვარჯიშისადმი მიდგომა ასაკის მატებასთან ერთად დიდად არ უნდა განსხვავდებოდეს.
„იქნება ეს 20 თუ 40 წლის, უნდა იფიქროთ იმაზე, თუ როგორ შეგიძლიათ გახდეთ უფრო ძლიერი, შეინარჩუნოთ გულისცემა და იყოთ უფრო მოძრავი. დატვირთვა და წონის აწევა უაღრესად მნიშვნელოვანია, ამიტომ უნდა გააგრძელოთ ძალისმიერი ვარჯიშები, სპრინტის ვარჯიში და პლიომეტრია,“ – ამბობს მწვრთნელი ერინ ბარბერი.
ცნობისთვის: პლიომეტრია არის ვარჯიშების ტიპი, რომელიც ეფუძნება სწრაფ, აფეთქებით მოძრაობებს და მიზნად ისახავს ძალისა და სისწრაფის ერთდროულ განვითარებას.
მთელი სხეულის ძალა
ბარბერის თქმით, ელიზაბეთის ძალისმიერი ვარჯიში მოიცავს სრულყოფილ სავარჯიშო პროგრამას, რომელიც სხვადასხვა კუნთის ჯგუფს ავარჯიშებს.
სუმოს დედლიფტი მიზნად ისახავს დუნდულებისა და ბარძაყის უკანა კუნთების ვარჯიშს. ფართო პოზიცია უფრო მეტად ფოკუსირებულია ოთხთავა კუნთებსა და ბარძაყის შიდა კუნთებზე და საკმაოდ ხშირად წარმოადგენს აზიდვის უფრო ხელმისაწვდომ ვარიანტს ჩვეულებრივ აზიდვებთან შედარებით.
სუმოს დედლიფტი არის ჩაჯდომის ერთ-ერთი ვარიაცია, რომელიც სრულდება ფეხების ფართო განლაგებით და ფეხის თითების ოდნავ გარეთ მიმართულებით — პოზიცია ჰგავს სუმოისტის დგომას, აქედან მოდის სახელიც.
არნოლდის შტანგის ვარჯიშები ავარჯიშებს მხრებს, მკერდს და ტრიცეფსის კუნთებს. ის მუშაობს მხრების ბრუნვაზე, რომელიც ხშირად უგულებელყოფილია და დაგეხმარებათ მხრების მობილურობისა და სიმტკიცის შენარჩუნებაში.
ეს არის მხრის ვარჯიში, რომელიც პოპულარული გახდა არნოლდ შვარცენეგერის მიერ და ეფექტურად ამუშავებს მხრის კუნთებს.
თუმცა ჩვეულებრივ სრულდება ჰანტელებით და არა შტანგით.
სწორედ ესაა ის ძირითადი ვარჯიშები, რომლებიც დაგეხმარებათ კუნთებისა გაძლიერებაში.
* * *
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – ” წყარო: www.goodlife.ge ”
