ჯანსაღი ცხოვრების პორტალი
ცხიმის დაკარგვა – არსობრივად, ესაა ენერგიის იმაზე მეტი რაოდენობით დახარჯვა, ვიდრე თქვენი ორგანიზმი მოიხმარს. თუმცა, როგორც eatthis.com წერს, ადამიანების უმრავლესობას ამ მიზნის მიღწევაში მაინც ხანგრძლივი, მოსაწყენი კარდიო ან შემთხვევითი ვარჯიშების იმედი აქვს, რომლებსაც ინტერნეტში პოულობენ. ავტორი კი აღნიშნავს, რომ მან განსხვავებული მიდგომა სცადა – უფრო ეფექტიანი და ისეთი, რომელიც უშუალოდ მუცლის ცხიმის გაქრობისკენ იქნებოდა მიმართული.
„სწორედ ამიტომ გადავწყვიტე, დამეწყო ვარჯიში მხოლოდ საკუთარი წონით, მაღალინტენსიური ინტერვალებით. მე არ ვიყენებდი არანაირ მოდურ მოწყობილობას და არც სპორტდარბაზი მჭირდებოდა. ეს ვარჯიში მიმართული იყო ძალისხმევისკენ, თანმიმდევრულობასა და მოძრაობისკენ. კვირაში ორჯერ დასვენების ორი დღე ცხიმის წვის 30-წუთიან „აფეთქებას“ დავუთმე. პროგრამას ვუთავსებდი კვების გრაფიკს და ვაგრძელებდი ჩვეულ ძალისმიერ და კარდიო ვარჯიშებს კვირის დანარჩენი დღეების განმავლობაში. რა მოხდა? ცვლილებები იმ ფარგლებსაც გასცდა, რაც სარკეში დავინახე. ჩემი შედეგები გაუმჯობესდა, ჩემი გონებრივი ფოკუსი უფრო მახვილი გახდა და ჩემს თავს დავუმტკიცე, რომ საკუთარი წონით მოკლე, ეფექტიანი ვარჯიშები ცხიმის დაწვაში გადამწყვეტია, “ – აღნიშნავს ჯაროდ ნობე.
აი ეს ვარჯიშები და ის უპირატესობები, რომლებიც, ავტორის თანახმად, ერთთვიანი ძალისხმევის შედეგად მიიღო:
ეს ვარჯიში მიზნად ისახავს მუცლის ცხიმის შემცირებას და გულისცემის შენარჩუნებას მაღალი ინტენსივობით. ეს არის მთლიანი სხეულის მაღალინტენსიური ვარჯიში, რომელიც დაგეხმარებათ კალორიების სწრაფად დაწვასა და ყველა ძირითადი კუნთოვანი ჯგუფის აქტივაციაში.
ვარჯიშის კომპლექტი
ჩაჯდომები ხტომით (3 სეტი და 15 გამეორება)
აზიდვები მხრებზე შეხებით(3 მისვლა და 12 გამეორება)
დაიწყეთ „მაღალი ფიცრის“ პოზიციით, გააკეთეთ სრული აზიდვა, მაქსიმალურ დონეზე ყოფნისას მარჯვენა ხელით მარცხენა მხარს შეეხეთ და შემდეგ – პირიქით. თეძოები სწორ მდგომარეობაში შეინარჩუნეთ.
უკანა „ჩავარდნები“ (3 მისვლა და 10 გამეორება თითო ფეხზე)
დადექით სწორად, ფეხები თეძოების გასწვრივ დადგით. მარჯვენა ფეხი უკან გასწიეთ და ჩაჯექით, შემდეგ ამ ფეხს დაეყრდენით და მკერდთან მიიტანეთ. დაბრუნდით საწყის მდგომარეობაში. გააკეთეთ გამეორებები იგივე ფეხით, ვიდრე მეორე ფეხზე გადახვალთ.
„მოციგურავე“ (3 მისვლა 30-30 წამით)
დაიწყეთ მსუბუქი ჩაჯდომებით, ახტით მარჯვენა მხარეს და დაეშვით მარჯვენა ფეხზე ისე, რომ მარცხენა ფეხი უკანა მხარეს გადააჯვარედინოთ, იმოძრავეთ სწრაფად და ტალღონვად. ხელები აქნიეთ და თქვენ სხეულს მოძრაობის იმპულსი ამით მიეცით.
რა შეიცვალა 30 დღის შემდეგ?
აი რას წერს ავტორი:
„ეს ერთჯერადი გამოწვევა არ იყო. მე მივყევი გეგმას და ამ ვარჯიშს ვაკეთებდი იმ დღეებში, რომლებშიც ჩვეულებრივ ვისვენებდი ხოლმე. ამასთან, შევინარჩუნე ჩვეული რუტინა – სამი ძალისმიერი ვარჯიში და ერთი ან ორი კარდიო ვარჯიში კვირაში. ასევე, უფრო გონივრული არჩევანი გავაკეთე კვებასთან დაკავშირებით, რათა ხელი შემეწყო ცხიმის წვისა და აღდგენისთვის. ამ ციკლის მხოლოდ ორკვირიანი სესიის შემდეგაც კი, სერიოზული შედეგები დავინახე. შევნიშნე მუცლის ცხიმის თვალსაჩინო კლება და სხეულის შუა ნაწილში თავი უფრო გამხდრად ვიგრძენი. ჩემი გამძლეობა გაუმჯობესდა, ფეხები და მუცლის კუნთები უფრო ძლიერი გახდა. მთელი დღის განმავლობაში თავს უფრო მოტივირებულად, კონცენტრირებულად და ენერგიულად ვგრძნობ. ჩემი აზროვნება შეიცვალა – დასვენების დღეებს უმოქმედოდ აღარ აღვიქვამდი და დავიწყე მათი გამოყენება პროგრესისთვის.“
* * *
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – ” წყარო: www.goodlife.ge ”
