ჯანსაღი ცხოვრების პორტალი
ოსტეოპათები მოგვიწოდებენ, ხანგრძლივი ჯდომით გამოწვეული ზიანის აღმოსაფხვრელად და – არა მხოლოდ, გაჭიმვები დღეში ერთხელ მაინც გავაკეთოთ. მათ მიერ შემოთავაზებული მოძრაობების კეთებას მხოლოდ სამი წუთი სჭირდება.
არ არსებობს ერთი კონკრეტული საშუალება, რომელიც სრულად გააქრობს ხანგრძლივი ჯდომით მიყენებულ ზიანს, ამბობს ლონდონის „ლივეელის“ კლინიკის ასოცირებული ოსტეოპათი ენდი მაკინტაირი.
„მაგრამ არსებობს ორი არეალი, რომელიც, მისი აზრით, უმოძრაო პოზებით ყველაზე მეტად ზარალდება. პირველი არის თეძოები, რომელთა გამოსწორებაც, მისი თქმით, შესაძლებელია ისეთი ნაზი მოძრაობებით, როგორიცაა „დილა მშვიდობისა“ და სიმძიმის აწევა.
ტკივილის კიდევ ერთი წერტილი, როგორც წესი, „შუა გულმკერდის“ არეა. ეს ხერხემლის შუა ნაწილია, კისერს (კისრის ხერხემალი) და წელის ქვედა ნაწილს (წელის ხერხემალი) შორის მდებარე მალების მიდამოებში.
„მაგიდასთან ჯდომისას ყველანი წინ ვიხრებით. გვივითარდება კიფოზი. მხრები გვეშვება. ზურგის შუა და ზედა ნაწილი იხრება. ჩვენი სხეული ძალიან ჭკვიანია. ამ მოხრილ პოზასთან ადაპტაციისთვის სახსრები ზურგის შუა ნაწილში მაგრდება, ამიტომ ნაკლები ენერგია გვჭირდება მის მუდმივად შესანარჩუნებლად“, – ამბობს ის.
მისივე განმარტებით, სირბილის დროს, როდესაც მხრებს ვიყენებთ, ეს შებოჭილობა მაინც ნარჩუნდება. შედეგად, მხრებს და ხერხემლის სხვა ნაწილებს, მაგალითად კისერს, უწევთ ამის კომპენსირება და უფრო მეტი მუშაობა ძირითადი საქმეების შესასრულებლად. „ისევე, როგორც მაგიდასთან ჯდომით ვასუსტებთ თეძოებს, ასევე ვასუსტებთ გულმკერდის კუნთებს, როცა მოხრილი ვზივართ,“ – ამბობს სპეციალისტი.
მაკინტაირი ამბობს, რომ ამ დეზადაპტაციის შემცირებისთვის ყველამ უნდა ვიმუშაოთ გულმკერდის გაშლასა და ბრუნვაზე, რათა „აღვადგინოთ მაგიდასთან მუდმივი მიჯაჭვულობის შედეგად მიღებული დაზიანება“.
„გაშლის განბლოკვის ერთ-ერთი საუკეთესო გზა გულმკერდის ბრუნვაა“, ამბობს ის, – თუ ჩვენს ხერხემალს შეუძლია ბრუნვა, მაშინ მას მოძრაობა ყველა სხვა სიბრტყეში შეუძლია.“
მაკინტაირისთვის ეს ნიშნავს ვარჯიშის შესრულებას, რომელსაც ეწოდება „წიგნის გაშლა დილით ადრე და საღამოს“.
თუ დრო ამის საშუალებას იძლევა, ის ასევე ასრულებს „ნემსში ძაფის გაყრის“ ვარჯიშს, რომელიც ანალოგიურად მიმართულია გულმკერდის ხერხემალზე – თუმცა, თუ არჩევანის გაკეთება მოუწევს, უპირატესობას „წიგნის გაშლას“ ანიჭებს.
„გულმკერდის ხერხემლის საუკეთესო მოძრაობებია ყველაფერი, რაც გულისხმობს ბრუნვას, იქნება ეს ხალიჩასთან თუ კედელთან. მე ამ ორ ვარჯიშს თითქმის ყოველდღე ვაკეთებ და მიუხედავად იმისა, რომ მაგიდასთან ისე ხშირად არ ვარ, როგორც ზოგიერთი ადამიანი, მეც კი საკმაოდ ვგრძნობ შებოჭილობას,“ – აცხადებს ის.
როგორ გავაკეთოთ:
სეტები: 3 დრო: 30-60 წამი თითოეულ მხარეს
დაწექით გვერდზე, ხელები, ტერფები და მუხლები ერთად, მუხლკები მოხარეთ და ხელები წინ გაშალეთ, შეერთებულ მდგომარეობაში.
ფეხები და მუხლები ერთად გეჭიროთ და იატაკს შეახეთ, ნელა ასწიეთ ზედა ხელი და ტორსი ისე მოატრიალეთ, რომ ხელი ზევით და სხეულზე იატაკისკენ გადაადგილდეს მეორე მხარეს.
მაქსიმალურად კომფორტულად შემოტრიალდით ისე, რომ მუხლები და ტერფები იატაკზე გქონდეთ – თავიდან შეიძლება მეორე მხარეს იატაკს ვერ მიწვდეთ.
ნელა მოატრიალეთ ხელი საწყის პოზიციაზე.
მთელი გაჭიმვის განმავლობაში ღრმად, ნელა და თანაბრად ისუნთქეთ.
მაკინტაირის თქმით, წიგნის გაშლის პრინციპით გაჭიმვა ძაფის ნემსში გატარების ვარჯიშის საპირისპიროა. მისივე განმარტებით, ვარჯიშის პროცესში სასარგებლოა ხელებისთვის თვალის დევნება, რადგან ეს ხელს შეუწყობს გულმკერდის ხერხემალში ბრუნვის წახალისებას.
დილით, მაკინტაირი ასრულებს სამ სეტიან ვარჯიშს, თითოეულ მხარეს თითო წუთით, მაგრამ თუ ახლა იწყებთ, შეგიძლიათ დაიწყოთ მხოლოდ 30 წამით თითოეულ მხარეს, ანუ სულ სამი წუთით.
* * *
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – ” წყარო: www.goodlife.ge ”
