ჯანსაღი ცხოვრების პორტალი
სადღესასწაულო სეზონი ბვრისთვის დაძაბულობის მომტანია. არაერთი ადამიანი ამ დროს თავს გადატვირთულად გრძნობს. ერთ-ერთი საუკეთესო რამ, რისი გაკეთებაც ამ დისკომფორტის მოსახსნელად შეგიძლიათ, მსუბუქი იოგაა. ამის შესახებ გამოცემა fitandwell.com წერს.
იოგას მასწავლებელი და Auburn Yoga Studio-ს მფლობელი, გვენ ჯონსი, სტრესულ სიტუაციებთან გამკლავების მიზნით, აღმდგენი პრაქტიკის გამოყენებას გვირჩევს.
„იოგას რეგულარულ პრაქტიკას სიხარული, განთავისუფლება, განკურნება და პრაქტიკული სიბრძნე მოაქვს“, – ამბობს ის.
გიწევთ დიდი ვახშმის მომზადება? ოჯახის წევრებისა და მეგობრების შეკრება ან გრძელი მოგზაურობა? ეს სწრაფი პრაქტიკა თქვენს ნერვულ სისტემას დაეხმარება, რათა ნებისმიერ სიტუაციას მშვიდად შეხვდეთ.
პოზების აღმდგენი ბუნების გარდა, საკუთარი თავისთვის დროის გამოყოფა და საკუთარ კეთილდღეობაზე ფოკუსირება დაგეხმარებათ უფრო მყარად იგრძნოთ თავი, როგორც არ უნდა განვითარდეს მოვლენები.
გთავაზობთ ჯონსის მიერ შერჩეულ სამ პოზას, რომლებიც სადღესასწაულო განწყობის შექმნასა და სტრესის მოხსნაში დაგეხმარებათ.
სცადეთ ეს პოზები შემდეგ ჯერზე, როცა დატვირთული დღის შემდეგ სტრესს იგრძნობთ ან დასვენება დაგჭირდებათ.
10 სუნთქვა
დაწექით ზურგზე, ხელები გვერდებზე გქონდეთ და მუხლები მოხარეთ.
იოგას ბლოკი (ესაა იოგის აქსესუარი) ჰორიზონტალურად მოათავსეთ გავის კუნთის ქვეშ, თეძოები კი ბლოკზე დაადეთ, როგორც ხიდის პოზაში.
გაშალეთ ერთი ფეხი და, თუ წელის ქვედა ნაწილი კომფორტულად გაქვთ, გაშალეთ მეორე ფეხი.
ფეხები მთლიანად მოადუნეთ.
გააჩერეთ 10 ნელი სუნთქვის განმავლობაში.
დრო: 10 წუთი
დაწექით მარცხენა გვერდზე, მოხრილი მუხლებით და კედელთან ახლოს დუნდულებით.
გადაბრუნდით მარჯვნივ ზურგზე და ფეხები კედელზე ასწიეთ – თუ ბარძაყის კუნთები დაჭიმული გაქვთ, ოდნავ მოხრილი გქონდეთ.
საჭიროების შემთხვევაში, თავქვეშ ბალიში ან პირსახოცი დაიდეთ. ზურგი ბუნებრივად მოხარეთ და ხელები გვერდებზე დააწყვეთ, ხელისგულებით ზემოთ.
ამოისუნთქეთ, მოადუნეთ მხრები და მკერდი.
დაისვენეთ 10 წუთის განმავლობაში, მაგრამ თუ ეს ძალიან დიდხანს გეჩვენებათ, დაიწყეთ უფრო მცირე ხანგრძლივობით და დრო თანდათან გაზარდეთ.
პოზის გასათავისუფლებლად, მოხარეთ მუხლები, გადაბრუნდით გვერდზე და ასწიეთ თავი.
10 სუნთქვა თითოეულ მხარეს
დაწექით ზურგზე გაშლილი ფეხებით. ამოისუნთქეთ და მარჯვენა მუხლი მკერდისკენ მიიტანეთ. მარცხენა ხელი მარჯვენა მუხლზე დადეთ და ფრთხილად მიიტანეთ მარჯვენა მუხლი მარცხენა მხარეს, თავი კი მარჯვნივ მოატრიალეთ. მხრები და ზურგის ზედა ნაწილი იატაკზე გეჭიროთ. გააჩერეთ 10 სუნთქვის განმავლობაში, შემდეგ კი მოეშვით და გაიმეორეთ იგივე მეორე მხარეს.
ჯონსის თქმით, ამ პოზაში მუცლის ღრუს ორგანოები მასაჟდება, რაც, სხვა ბენეფიტების გარდა, საჭმლის მონელებას უწყობს ხელს.
* * *
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – ” წყარო: www.goodlife.ge ”
