ჯანსაღი ცხოვრების პორტალი
ჩვენი კუნთები და ძვლები ასაკთან ერთად ბუნებრივად სუსტდება, თუმცა ჩვენ შეგვიძლია ცხოვრების წესში გარკვეული ჩვევების გამომუშავება და ვარჯიშების კეთება, რომლებიც სიცოცხლის წლებს მოგვიმატებს.
ერთ-ერთი მეთოდია რთული მოძრაობების კეთება, როგორიცაა ბუქნები, სიმძიმეების აწევა და აზიდვები.
გამოცემა Fitandwell-ი ამ თემაზე აქვეყნებს ბრიტანელი მედი ბიდულფის სტატიას – ის უშტატო ჟურნალისტია, რომელიც ფიტნესის კონტენტზეა სპეციალიზებული. ის ასევე არის კვალიფიციური პერსონალური მწვრთნელი და წონის კლების კონსულტანტი. იგი 40 წელს გადაცილებულ ქალებს მენოპაუზის დაძლევაში ეხმარება.
სტატიაში მოყვანილია ფიზიოთერაპევტ ლინდი როიერის სიტყვები, რომლის თქმით, საუკეთესო ვარიანტია კომპოზიტური მოძრაობების კეთება, რაც მოქნილობასა და სხეულის სიძლიერეს უწყობს ხელს, ასევე ეხმარება ადამიანებს გულ-სისხლძარღვთა სისტემის ჯანმრთელობისა და წონასწორობის შენარჩუნებაში.
„კომპოზიტური მოძრაობები მოითხოვს რამდენიმე სახსრის ჩართვას, რაც სახსრების გარშემო არსებულ კუნთებსა და ქსოვილებს აძლიერებს,“ – აცხადებს სპეციალისტი.
ასევე დადასტურდა, რომ მსგავსი ძალოვანი ვარჯიშების კეთება სარკოპენიის (კუნთოვანი მასის დაკარგვა ასაკთან ერთად) რისკს ამცირებს.
ერთადერთი, რაც ამ ვარჯიშებისთვის გჭირდებათ, მძიმე ჰანტელებია. მორგანი 15-კილოგრამიან ჰანტელს იყენებს, თუმცა თქვენ შეგიძლიათ თქვენი შესაძლებლობების შესაბამისი წონა შეარჩიოთ, რათა ყველა მოძრაობა იდეალური ტექნიკით შეასრულოთ.
ვარჯიშები შეგიძლიათ იხილოთ ბმულზე.
მორგანი გვთავაზობს 8 განმეორების შესრულებას 5 რაუნდად.
არ იჩქაროთ და ფოკუსირდით ტექნიკაზე. შეისვენეთ 15-20 წუთით ვარჯიშებს შორის და ერთი წუთით რაუნდებს შორის.
იყავით თანმიმდევრულები და მისდიეთ წონის თანდათანობით გაზრდის გეგმას, რათა ტრავმები თავიდან აიცილოთ
* * *
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – ” წყარო: www.goodlife.ge ”
გადადით ლინკზე – მნიშვნელოვანი გაფრთხილება მკითხველისთვის
