ჯანსაღი ცხოვრების პორტალი
არსებობს 3 პოზა, რომელთა 50 წლის ასაკის შემდგომ შენარჩუნების შემთხვევაში შეძლებთ, თქვენი კუნთები ადამიანთა 80%-თან შედარებით ძლიერი იყოს.
თემაზე სტატიას eatthis.com აქვეყნებს და წერს, რომ ასაკის მატებასთან ერთად, ძალის განვითარება ერთ-ერთი საუკეთესო რამაა, რისი გაკეთებაც საკუთარი სხეულისთვის შეგვიძლია, განსაკუთრებით მაშინ, როდესაც საქმე მუცლის კუნთებს ეხება. ძლიერი, ელასტიური მუცლის კუნთები ხელს უწყობს უკეთეს პოზას, სტაბილურობას და სპორტულ აღნაგობას, ამავდროულად ხელს უშლის დაცემას და დაზიანებებს.
თუმცა მნიშვნელოვანია გვახსოვდეს, რომ ძალა ყველასთვის განსხვავებულია და ძლიერი მუცლის კუნთები სულაც არ ნიშნავს მუცლის ექვსკუბიან კუნთებს.
აი, ის 3 პოზიცია, რომელიც 50 წლის შემდეგ ძლიერი სხეულის არსებობაზე მიუთითებს:
ფეხბურთელის დარტყმა
„კვლევებმა აჩვენა, რომ ერთ ფეხზე დგომა და ასეთ მდგომარეობაში წონასწორობის 10 წამის განმავლობაში შენარჩუნება ამცირებს დაცემის რისკს. ეს შესანიშნავი ვარჯიშია თქვენი მუცლისა და სტაბილურობის გასაუმჯობესებლად“, – განმარტავს ამერიკული ფიტნესკომპანია Pvolve-ს ვიცე-პრეზიდენტი და მთავარი მწვრთნელი დანი კოულმენი.“
ვარჯიში კი ასე უნდა გააკეთოთ:
სწორად დადექით, სტაბილურობისთვის ერთი ხელით მყარ ზედაპირს დაეყრდენით.
ან, ვერტიკალურად დადექით, ხელები თეძოებზე დადეთ და დამატებითი წინააღმდეგობისთვის კოჭის სიმძიმეები დაიდეთ.
ერთი ფეხი წინ გასწიეთ მუხლის მსუბუქად მოხრით.
ამოისუნთქეთ და ფეხი თეძოებისკენ ასწიეთ.
დასწიეთ.
შეასრულეთ 15-დან 20-მდე გამეორება ერთ მხარეს.
დუნდულოების ხიდი
„დუნდულების ხიდისებური ვარჯიში შესანიშნავი ვარჯიშია დუნდულების, ბარძაყის უკანა კუნთების, ძირითადი კუნთების სტაბილურობისა და ზურგის კუნთების გასაძლიერებლად“, – აღნიშნავს დანი, – ეს კუნთები სასიცოცხლოდ მნიშვნელოვანია ყოველდღიური ამოცანებისთვის, როგორიცაა მჯდომარე პოზიციიდან ვერტიკალურ მდგომარეობაში გადასვლა“.
დაწექით ზურგზე მოხრილი მუხლებით და ფეხები თეძოების სიგანეზე გაშალეთ იატაკზე.
ქუსლებით ასწიეთ თეძოები, სანამ თქვენი სხეული თავიდან ქუსლებამდე სწორ ხაზს არ შექმნის.
დაჭიმეთ დუნდულები, ცოტა ხნით გაჩერდით ამ მდგომარეობაში.
დასწიეთ თეძოები საწყის პოზიციაზე.
შეასრულეთ 2-3 სეტი 15-30 გამეორებით.
მთელი სხეულის “დაფა”
ეს აქტივობა საუკეთესოდ ავარჯიშებს მუცლის კუნთებს.
ხელები მხრების ქვეშ მოათავსეთ.
თითების ბალიშებს მიაწექით და ხელის შიდა ნაწილი იღლიისკენ მიიზიდეთ.
ფეხები თეძოების სიგანეზე გაშალეთ.
მუცლის კუნთები დაჭიმეთ, ასევე დაჭიმეთ დუნდულები.
გაჩერდით ამ მდგომარეობაში 30 წამის განმავლობაში; პროგრესთან ერთად ასეთ მდგომარეობაში ყოფნის დრო გაზარდეთ.
***
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – ” წყარო: www.goodlife.ge ”
