ჯანსაღი ცხოვრების პორტალი
„ბავშვების გაჩენის შემდეგ ჩემი პრიორიტეტები ძალიან შეიცვალა“ – ამის შესახებ პილატესის ინსტრუქტორი საუბრობს და გვიზიარებს რეალისტურ საშინაო ვარჯიშებს, რაც მას უფრო ძლიერსა და მობილურს ხდის.
ანაბელ ლუკი ლონდონში მოღვაწე პილატესის ინსტრუქტორი და ონლაინ სტუდია Pilates By Bel-ის დამფუძნებელია.
ლუკი სპეციალიზირებულია პილატესში ხალიჩაზე და ეს მისი სახლში ვარჯიშის რუტინის მთავარი აქცენტია.
თუმცა, ეს ყოველთვის ასე არ ყოფილა და დედობის შემდეგ მისი ვარჯიშის მანერა მნიშვნელოვნად შეიცვალა.
„ჩემი გრძნობების პრიორიტეტები ბავშვების გაჩენის შემდეგ მნიშვნელოვნად შეიცვალა. საქმე აღარ არის ინტენსივობის ან ესთეტიკის დევნაში. ახლა ჩემი პრიორიტეტი ძლიერი, ენერგიული და საღი აზროვნებაა, რათა ოჯახის წინაშე საუკეთესოდ წარვდგე“, – განუცხადა მან გამოცემა Fit&Well-ს.
„მე ვამახვილებ ყურადღებას მოძრაობის თანმიმდევრულობაზე, რაც ძლიერს, მობილურს და ტკივილისგან თავისუფალს მხდის, რათა შევძლო ჩემი ენერგიული პატარებთისთვის ფეხის აწყობა“, – დასძენს ლუკი.
პილატესის ინსტრუქტორი ასევე განმარტავს, რომ მოძრაობა მისი ფსიქიკური ჯანმრთელობისთვის სასიცოცხლოდ მნიშვნელოვანია.
„რეგულარული მოძრაობა მაძლევს გარკვეულ, შეუცვლელ დროს საკუთარი თავისთვის, რაც შეიძლება ძნელი მოსაპოვებელი იყოს დატვირთულ ოჯახში.“
აი, როგორ გამოიყურება მისთვის ფიზიკური აქტივობის ერთი სტანდარტული კვირა.
ორშაბათი 6:30
40 წუთიანი სრული სხეულის პილატესის ვარჯიში ხალიჩაზე
სამშაბათი 9:00
პილატესის სამი გაკვეთილის გადაღება მისი ონლაინ პლატფორმისთვის
ოთხშაბათი 13:00
დასვენების დღე 30 წუთიანი ყინულის აბაზანით და საუნით
ხუთშაბათი 6:30
30 წუთიანი ძალისმიერად ორიენტირებული, სრული სხეულის პილატესის ვარჯიში
პარასკევი 13:00
20 წუთიანი პილატესის ვარჯიში ხალიჩაზე
შაბათი 8:00
40 წუთიანი ოჯახური სირბილი
კვირა 19:00
დასვენება და 30 წუთიანი გაწელვა
აი სპეციალისტის რჩევები
1. მოძებნეთ დისციპლინა და არა მოტივაცია
ლუკა ამბობს, რომ რუტინაში დისციპლინის შენარჩუნება მთავარია, რადგან მოტივაცია მოდის და მიდის.
„მე მოტივაციას არ ვეყრდნობი, რადგან ის ყოველთვის არ არის. ამის ნაცვლად, დისციპლინაზე ვარ ორიენტირებული, რათა მუდმივად კავშირზე ვიყო,“ – ამბობს იგი.
2. მოცულობის ნაცვლად, თანმიმდევრულობაზე იყავით ორიენტირებულები
კვირაში სამი ერთსაათიანი ვარჯიშის დაგეგმვის ნაცვლად, სცადეთ მცირე რაოდენობით რეგულარული ვარჯიში.
„ყველა დეტალი მნიშვნელოვანია და სწორედ ეს თანმიმდევრულობა ახდენს გავლენას იმაზე, თუ როგორ ვგრძნობ თავს, გამოვიყურები და ვფუნქციონირებ ყოველდღიურად, მაშინაც კი, თუ ეს მხოლოდ ხალიჩაზე შესასრულებელი ხუთწუთიანი ვარჯიშებია იმპულსის შესანარჩუნებლად“, – ამბობს ლუკი.
3 აღმოაჩინეთ ვარჯიში, რომელიც სიხარულს განიჭებთ
„იპოვეთ ისეთი რამ, რაც გიყვართ, რაც სიხარულს განიჭებთ და არა სტრესს, და რაც ნამდვილად დაგეხმარებათ საუკეთესოდ იგრძნოთ თავი. როდესაც სიამოვნებას განიჭებთ მოძრაობა, თანმიმდევრულობა მარტივი ხდება და გაცილებით ადვილია მისი ხანგრძლივად შენარჩუნება,“ – ამბობს სპეციალისტი.
* *
სტატიაზე ყველა საავტორო უფლება დაცულია. მისი სრულად ან ნაწილობრივ გამოქვეყნების შემთხვევაში მის დასაწყისში მიუთითეთ – ” წყარო: www.goodlife.ge ”
